جينواز خفيفة

بقلم

السلام عليكن جميعا

اليوم جبتلكم قاطو بالجينواز خفيف كيما تع برى كنت نديرو بزاف ويجي روعة لكني حبيت نوصل للاحتراف فيه و حبيتو معسل كيما تحهم كان السر في الشاربات كنت نديرها عاقدة شوية عليها ماكانش البسكوي يتشربها بزااااااااااف

المقادير

4 بيض حجم متوسط

06 م ك سكر

بشور الليمون

فانيليا

06 م ك فرينة
1م ص خميرة كيميائية

طريقة التحضير

اولا نضرب البيض باضافة كمية السكر مع زاست و الفانيليا بواسطة المضرب الكهربائي الى ان يميل لون المزيج الى البياض حينها بواسطة سباتيل نضيف كمية الفرينة غير بالشوية باش ما نهبطوش المزيج تاعنا .

يوضع الخليط في بلاتو عليه ورق الشمع و يخبز مدة 12 د فقط.

الصور توضح.

في هدا الوقت قومي بتحضير كريمة الباتسيار

طريقة كريمة الباتسيار

نصف لتر حليب

2بيض

100غ سكر

50غ نشاء منخول

بشور الليمون

نضرب البيضتين مع السكر و بشور الليمون جيد ا الى ان يبيض المزيج ثم نضيف النشاء

عندها يكون الحليب سخن على النار دون ان يغلي

نقوم بتحضير المزيج الاول لاضافة المزيج الثاني يعني نغرف بملعقة حليب ساخن و نضعه في مزيج البيض و نحرك و نعاوده العملية مرو اخرى.

و مبعد نضع خليط البيض على خليط الحليب و نحرك ب فويي الى ان تعمل فقاقيع هنا معناها الكريمة طابت

نفرغها من الكاسرونة و نضعها في وعاء زجاجي ننتظر قليلا الى ان تعمل طبقة خفيفة من فوق بعدها نرش عليها السكر او ندهنها بقطعة زبدة و توضع في الثلاجة.

طريقة تحضير الشاربات

كاس ماء

300غ سكر

3 شرائح ليمون

م ك ماء الزهر

اخلطي جميع المقادير و ضعيعا على النار الى ان تغلي بعدها ب03 د تقريبا اطفي عليها و خليها جانبا لتبرد.

البسكوي نقسموه و نشمخوه بالشاربات تعنا ونعاود العملية مرة و اثنين هدا هو السر الي يخليها تجي خفيفة و معسلة بشاربات خفيفة تاني

بعدها نضع عليها الكريمة و نزين كيما نحب انا درت كريمة الشانتيي الي تباع غبرة تضرب مع 125مل حليب و حطيت عليها الشوكولا

—–

شكرااا كرومة

كملي خيرك و حطي الصورة

—–

اقتباس:
المشاركة الأصلية كتبت بواسطة دائمة الذكر

شكرااا كرومة

كملي خيرك و حطي الصورة

ههههه اوكي ام هديل دكة نفركت على صورة ليها خصيصا لك نورت الموضوع

—–

سلام
مشكورة على الوصفة كريمااات و حبذا لو ترفقي الصورة تاع الجينواز……و حبذا اكر لو كانت من مطبخك اوريجينال

راني نستنى

—–

اقتباس:
المشاركة الأصلية كتبت بواسطة salam08
سلام
مشكورة على الوصفة كريمااات و حبذا لو ترفقي الصورة تاع الجينواز……و حبذا اكر لو كانت من مطبخك اوريجينال
راني نستنى

—–

أضف تعليق