شوربة بطاطة و جزر مع سلطة الزعلوكة

السلام عليكم
حبيت اليوم ننقللكم وصفة هد الشوربة الخفيفة و الرائعة علمتهالي أم عمر و جربتها مرتين

إليكم الوصفة:
بصلة
300غ بطاطة
300غ جزر
قطعة ابيض دجاج أو إسكالوب
غصن زعيترة
ملح
زيت
قرفة
ماء
التحضير بعد غسل الخضار و تنقيتها قطعيها على 4 و أضيفي باقي المكونات ما عدا الماء و اتركيها تتقلى بضع دقائق في قدر الضغط كوكوت مينوت ثم أضيفي الماء و بعد غليان أحكمي إغلاقها لمدة 25دقيقة و اسحبي غصن الزعيترة من القدر و قومي بهرس(برحي) الشوربة بخلاط كهربائي جيدا و يكون شكلها كما هو موضح في الصورة (تجي نوعا ما ثقيلة شوية ماشي خفيفة على كل حال كل واحد واش يحب الشوربة لي يحبها خفيفة ما عليه إلا يكثر كمية الماء لي نضيفوها من البداية).
جربوها رائعة في الذوق و خفيفة .

و بالنسبة لقطع البيتزا هاديك بقايا بيتزا درتها تطبيق لوصفة بيتزة الأخت smile of hope
البيتزا روعة جات بنينةمش نشكر في روحي لكني طبقت الوصفة فقط.

أما الزعلوكة سلطة: :
بادنجال 500غ أو كما ترغبين على حسب العائلة نقطعولو راسو و ندخلوه لللفرن يكون سخون و نقلبوه ساعة على ساعة حتى يطهى تحسي أنو القشرة انفصلت على اللحم و يصبح أخف حوالي 40 دقيقة في الفرن 250° بالنسبة لفرني
في زلافة كبيرة تهرسي فصة ثوم+ ملح+ زيت عادي + زيت الزيتون+ خل ستيمولا ثم أفرغي عليها محتوى حبات البادنجال المشوي بفرشات أو ملعقة ثم قومي بهرسها بالفرشات جيدا
و أليكم الصورة و آآآآسفة وهذا ما تبقى منها